Tripura haste ni tapashili jati loku rok ni bagwi financial tei social development ni bagwi nangkuk mani gosimwng anhar jak kha haste hapang ni bwkhak twi. bwrui rok no self-reliant khwlawi tisa nani bagwi selai machine rwjakha, bania khwlaina bagwi 10 thousand’s rang bo rwjakha borok no. dal bidal sep bai khe no hapang ni bwkhak twi haste ni tapashili jati rwng swrung nai tei swrung nai jwk song no bo salthang Tripura hangkor bai khobjak lavarthi rok no chubachu rwmani panda o phawi sangrong salo abo hai khe no sakha Tripura hapang ni tapashili jati kalyan tang bedek ni montri Sudhangshu das. rajakhor aguli ni rabindra satabarshiki bahvan ni 2 no. hall o songsa jak mani panda o phawi manjak phai mani nukjakha tapashili jati kalyan tang bedek ni sachib BS.mishra, tang bedek ni okra naikolnai Ashim saha, salthang Tripura hangkor parisad ni achugphang Haridulal acharjee, badharghat ni MLA jwk Minarani sarkar tei agartala pura nigam ni mayor Dipak majumdar, ah salni panda o phawi manjak phawi montri Sudhangshu das saklaikha, dal bidal samwng bwtang ni bising two hapang ni bwkhak twi sep manwi tongkha haste ni tapashili jati bai khobjak joto rwng swrung nai tei swrung nai jwk song. rajakhor aguli o tongwi magnang no lekha pora khwlaina bagwi kwbangma hostel bo songsai rwjakha, hapang ni tahabil ni rang bai borok no chamwng, tongthai tei coaching ni sep bo rwoi tongkha.Madhyamik thai ni joto SC rwng swrung nai tei swrung nai jwk song no tang bedek ni bwkhak twi joto nono 7 hundred rang khwlawi rwjakha, National portal scheme bai khobjak joto nono 7 thousand’s rang khwlawi scholarship manwi tongkha tapashili rwng swrung nai swrung nai jwk song. borok ni kaham swrung mwng ni bagwi bwskang o phikha Tripura hapang ni tapashili jati kalyan tang bedek. je rwng swrung nai rok doctor porina mwchugo borok no bisa o 4 lakh rang khwlawi rwnai haste hapang. hostel o tongkhe 13 thousand’ rang fezz rwnai tapashili jati kalyan tang bedek.Engineering, Nursing, Pharmacy joto swrung mwng ni bagwi hapang ni bwkhak twi sep rwnai tang bedek.B.ed porina bagwi joro nono rwjak nai 1 lkh 20 thousand’s rang.sangrong salni panda o abo haikhe no sakha tapashili jati kalyan tang bedek ni montri Sudhangshu das. Tripura hapang ni tapahsili jati kalyan tang bedek ni luajimung bai salthang hangkor bai khobjak tapashili jati lavarthi ni bising oh Pump machine, musical instrument , sap sutra khwlainai rok no chikon bania khwlainai rok no rang chubachu rwkha sangrong salo. salthang hangkor ni khorok ba chi nwi lavarthi no pump machine tei khorok bwrui chi char lavarthi no rwjakha musical instrument.abo no karwi bo 10 thousand’s rang rwkha tapashili jati kalyan tang bedek ni montri Sudhangshu das
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
