Bisi brom brom no Annual College Week songchajago RK Nagar ni Veternary college o. college week songchajakmano kitingwi kwbangma bataimung songchakha college ni tangphang. Aro ni bisingo tongo football bataimung, Volley ball bataimung, rwchapmung bataimung, mwsamung bataimung tei mamui sngmung bataimung songchajakha. Swrang salo oh bataimung panda songchajakha. Asalni pandao manjakha maalmata hamkrai tangbedekni montri Sudhangshu Das no khobui kubuni adongrok. Asalni pandao kok narukna thangwi montri Sudhangshu Das sakha, bharat ni hukumu mukumu no banchiriwi tonina bagwi koikha montri. Chwng joto no bharat ni laibuma no sai manna nangnai. Bharat no phiyogna bagwi jerok sak baithangno bedugwi rikha borok ni kok no sawi manna nangnai. Phiyabha tabok chwng chini hukumu mukumu no pogwi phatar hakotor ni culture no sotonwi naharkha. Phiyabha chwng joto no muito narukna nango je, hukumu mukumu ni bwkhak twi bharat hakotor hayungni bwskango joto ni sai kwrak. Asalo kok narukna thangwi montri teibu sakha, social media ni kaham side tei hamya side no twiwi kok sakha bo. Bo teibu sakha, tabokni modern jorao social media bai kwrwngwi lukorog sak baithangni wansukmung tei hukumu mukumu no pogwi thangkha. Haste ni je kono thaio lahar patikhe borokno chubachu khwlaiya karwi social media oh post khwlaina bagwi pailaiya wnglaijak tabokni borok rok. Asalni pandao kwbangma bataimungo kwplai wngnai rok no sokat rikha montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
