Montri Sudhangshu das ni naikol mwng manwi teibo kaham ungwi tongkha haste ni malmata tang bedek. malmata rok no naikolna bagwi teibo kwbangma samwng bwtang yago naharnani nai tongkha tang bedek ni bwkhak twi. tabuk khe malmata tang bedek ni luajimung bai RK.nagar gana veterinary college o cattle farm songsai rwjakha, swrang salo ah farm no songsai rwkha tang bedek ni montri Sudhangshu das.bini logi phawi manjak phai kha amchai ni MLA Ratan chakraborty bo.sathai kwlai o lai thanai tal bwrui eba tal ba ni swkang RK.nagar gana veterinary college no thangwi berai naikha montri Sudhangshu das.berai naimani yagulo college o joto phasing twi no cehrwi naikha, tei je samwng rok ungya kho abo rok dati khe khwlai nani bagwi tang bedek ni okra naikolnai rok no gosi mwng rwkha montri tei abo ni bagwi no college o kwtal cattle farm no songsai rwjakha, abo ni logi ah salo college o smart class room bo songsai rwkha montri. ah salokokthum thumnai ni bwskang o montri saklai kha, tini ni simi tal bwrui ni swkang berainaikolna bagwi phai mani o montri ni thani kaisa smart class room ni bagwi sanlai mwng khwlai mani college ni rwng swrung nai tei swrung nai jwk song.Abo hai sep man ma bai college ni rwng swrung nai tei swrung nai jwk song ni bagwi belai khe no kaham ung nai hwnui sakha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
