Tripura hapang ni malmata tang bedek ni naikol mwng nahar jak mani ulni simi nosamwng khwlai tongkha haste ni montri Sudhangshu das. malmata rok no kaham naikol mwng rwna ni bagwi haste hapang ni bwkhak twi naharjak mani kwbangma samwng bwtang rok no phogwi rwkha bo.abo no kitingwi no malmata tang bedek tei Tripura Veterinary doctor samiti ni luajimung bai animal welfare laws and safety no twi songsa jak mani seminar eba salsa ni panda o phawi swrang salo manjak phai kha montri Sudhangshu das. rajakhor aguli ni muktadhara auditorium o ah salni seminar o phawi manjak phai kha kendriya hapang ni animal welfare board ni sachib Dr. Sujit kumar dutta, ah salo saklai kha montri,phai tong nai tal dok ni bising o haste ni joto hangkor oh kaisa khwlawi go-shala songsai rwna ni bagwi samwng khwlai tongkha Tripura hapang ni malmata tang bedek. taklai ni haste budget o bo kok salai jak kha ah samwng bwtang no twi.abo ni logi bo teibo saklai kha, Tripura Animal Welfare Board je rang mano, abo rok no kaham khe cherwi naikol nani nang nai, kaisa naikol mwng no twi samwng khwlawi joto tal ni paithago samwng no twi kok salai nani nang o. swrang salo haste ni loku rok no kobok mwng khwlai kha montri Sudhangshu das kaham khe malmata rok no naikol nan bagwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
