Tipra motha bodol ni joto sipai rokno twi thansa ungwi swrang salni phung ni simi Teliamura ni hatai kotor o hunger strike no songsai rwmani bubagra pradyot kishore debbarman.bharatiya janata party hapang Tripura haste o teisa phan o phai nani swkang haste ni tiprasa loku rok ni bagwik kwbangma kok rwphano mwng sa bo supung jakya hwnui kok silsamwng khwlai kha bodol ni achugphang Bijoy rangkhwl, kendriya hapang bai kok salai mani ulo phano mwng sa bo lama manya ungmani bai 28 february swrang sal ni simi hunger strick ni gosi mwng rwmani bubagra.abo hai khe no nayungma ni joto ni swlai kwcham mangalchandi mandir o mwtai rwoi hatai kotor o hunger strick ni bagwi thang kha bubagra pradyot. ah mancha o phawi manjak phai mani nukjakha kotor kotor adongh tei ojama song no.phiya ba atomsa khe kendriya hapang ni phone phaikha delhi ni simi, phone manwi swrang sal ni dipor ni bising o no lam rwkha new delhi ni phasing bubagra. abo ni swkang kokthum thumnai ni bwskang o saklai kha bubagra, kendriya hapang ni simi written bai gosi mwng mankhe hunger strick no mwthagwi rwnai borok. pati mwng no twi mwng sa bo samwng ungya khe delhi ni simi kiphilwi teusa hunger strick ni mancha o phai nai bubagra pradyot kishore debbarman. abo ni logi bibagra saklaikha, bangladeshi rok no twi mwng sa bo jungjal kwrui tiprasa loku rokni, thansa ungwi no kaisa nai tho thok tripura swnam nani nang nai, tiprasa loku rok ni bagwi simi kokthai ni manthai, tongthai ni manthai simi sano chung. tiprasa loku rok ni sanmwng no twi delhi o lamrwkha bubagra pradyot kishore debbarman, tabuk nahar mwng, kendriya hapang bai binia chuglai mwng bwsuk jora twi samwng ung nai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
