Ram mondir phiyogjakmani yagulo Ramlala no phunukna bagwi Railways Ministry ni bwkhak twi special train ni yapri naharjakha. Kwrak salo Kumarghat ni simi Ayodhya ni bagwi ongkhorkha special train. Aboni bagwi belai no khatung khaza wnglajak ramni boktorok. Kwrak salni phungo Kumarghat railway station oh kwbangma ram boktorok phaibaikha. Kwrak salo phungo Ayodhya o thangnai ram boktorok bai thangwi koklam salaikha tei borok no kha kaham yapharkha haste ni maalmata hamkrai tangbedekni montri Sudhangshu Das. Montri no gana manwi belai no kha-tongthokjakha ram bokto sng. Montri ni logi ‘Joy shri ram’ slogan riwi Ayodhya ni bagwi ongkhorkha special train. Tripura haste ni lukorog ni kok no wansugwi abohai train ni yapri naharmani bagwi montri bokhorok Narendra Modi no hambai yapharkha haste ni maalmata hamkrai tangbedekni montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
