Tang salo virtual bai khwlawi 554 rail station ni samwng bwtang songsai rwkha montri bokhorok Narendra modi. Bharatiya railway station rokno teibo wkchugo karwna ni bagwi’Amrit bharat station’scheme bai khobjak ah station rok no development khwlai jaknai, 554 rail station ni bising o tong o agartala rail station bo. agartala rail station no amrit bharat station no scheme bai 48 crore rang bai khwlawi kwtal khe tisajaknai. ah samwng bwtang o kitingwi tang salo agartala rail sta tion o kaisa panda songsai rwjakha, ah salni panda o phawi manjak phai kha haste ni montri okra Dr. Manik saha, kendriya prati montri Pratima bhowmik, agartala pura nigam ni mayor Dipak majumdar,badharghat bidhan sabha kendra ni MLA jwk Mina rani sarkar akosong. ah salo kokthum thumnai bwskang o montri okra saklaikha, Amrit bharat station ni samwng bwtang o puila oh no agartala rail station no naitho thok khwlaina bagwi 260 crore rang rwjak mani, tabuk ah samwng bwtang o teisa 2nd time ni bagwi teisa agartala rail station no rang rwjak nai, abo ni bising o no modi ni samwng bwtang tei kaham wansuk mwng no teisa phunugwi rwkha montri bokhorok Narendra modi. phiya ba ah salo virtual panda ni bising o nukjakha panda songsa jak nani swkang montri okra ri-chumjak Tripura haste ni kanmung risha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
