Modern tertiary center tei chung phereng ni simlang teliamura o songsai rwjakha, kwtal ah sep rok rwma bai telaimura aguli teibo kwchug o kanai hwnui tang salo abo hai khe no samani nukjakha haste ni montri okra Dr.Manik saha no. kwtal ah tertiary center tei chung phereng ni simlang ung mani bagwi teliamura ni tong kosong loku rok kaham no sep man nai hwnui sakha montri okra. 1.50 crore rang bai khwlawi twichindrai amchai o 12 kani thai sakha ah modern tertiary center songsai rwjakha, abo ni logi o 1 crore 10 lakh rang bai kwhlawi swnamwi rwjakha chung phereng ni simlang bo. ah salni panda ni simi montri okra saklaikha, hakotor ni bagwi eba loku rok ni bagwi je samwng kwhalai tongkha montri bokhorok Narendra modi, abo hai khe no samwng khwlai tong kha haste hapang bo. loku rok ni kaham wansugwi no samwng khwlai tongkha bo. modern tertiary center tei chung phereng simlang ni panda o tang salo phawi manjak phai kha Tripura bidhan sabha ni okra naikolnai eba Teliamura ni MLA jwk Kalyani saha roy, khowai ni hangkor naikolnai Dr. Chadni chandran tei Teliamura pura parisad ni chairman Rupak sarkar akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
