Sal burum burum no haste rogo mang kwthui man mani kwbang no nukjagwi tongkha, kebo ba bayap bai kok banglai, kebo ba lahar pati mwng rogo, kebo ba thung kwrung bodol khwlai mano twi bwthar jak tongkha,abo hai no tang sal ni phung o mang kwthui man mano twi hai hola ung lai jak Teliamura amchai gwnagwi, baharampur Teliamura thana bai khobjak chakmaghat barrage gana amchai o khorok sa sikla ni manwg kwthui kwlai jak nugwi mankha, logi logi no koktwma rwjak kha Teliamura thana ni police no, abo ni ulo Teliamura thana ni police phawi mang kwthui no khochawi cherwi naina bagwi rohorkha sakham nogo, sai mankha, sal gwra maharani bahadur sardar kam ni tong nai Bisawjit debbarma ni bwsala Ashim debbarma ni mang kwthui kwlai jak mankha lama gana.phiya ba nok ni simi asuk hachal o sikla ni mang kwthui man mano twi swng mwng kasai tongkha amchai gwnagui, bobo hai khr ah sikla chakmaghat barrage amchai o sokphai kha, tei mang kwthui man mai pati mwng ni ukulugo sabo gwdal jak tong abo rok no cherwi naikolnai baharampur thana ni police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
