Driving license kwrui malkhung chalugnai rok no phasing naharwi kwrak sep naharphano Teliamura traffic tang bedek, phiya ba lahar pati mwng sal burum burum no pati no tongkha, khung sa bike tei auto malkhung thutai lai mani o tang salo sago dukhu mankha bike chalugnai.abo ni ulo no saimankha, sago dukhu man nai bike chalugnai tei bike bai thutailai mani auto malkhung chalugnai borok khorok nwi ni bising o khorok sa ni phano driving license kwrui. tang sal ni dipor o pati mwng patikha Teliamura thana bai khobjak kwcham TRTC amchai ni assam-agartala lahar kotor o. pati mwng o saimankha, driving license kwrui tei bike ni lombor bi kwrui khung sa R15 bike twi assam-agartala lahar kotor twi thanwgi tong mani Birbal jamatia ni mwngui khorok sa sikla, teliamura thana bai khobjak rangkhawl amchai ni tong nai bo, tei khak sa phasing twu khe TR-03-C-4286 lombor ni khung sa auto malkhung bai thutai laikha.sago dukhu man nai no khochawi telaimura bwkhaste sakham nogo twlang thangkha hor bwthar nai tang bedek ni samwng khwlainai rok, aro rogo tabuk sak nai rwjagwi tong o, abo niulo no saimankha, auto malkhung chalung nai Gajen kaipeng ni bo driving license kwrui. driving license kwrui khe no auto malkhung no twi twidu ni simi chalugwi teliamura ni phasing phawi tong mani bo. traffic police tong phano bobo hai khe driving license kwrui khe malkhung no twi thang phai khwlai tongkha, abo no twi swng mwng kasai tongkha tong kosong loku rok. lahar pati mwng ni koktwma manwi pati mwng thaio phawi sokphai kha Teliamura thana ni police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
