Fatikroy bidhansabha kendra ni MLA eba haste ni maalmata hamkrai tangbedekni montri Sudhangshu Das ni luajimung bai thanai 22 february ni simi Fatikroy higher secondary school ni ground o chengsajakha Milan Mela. Oh milan Mela o manjakna bagwi chasalo haste o sokphaikha bollywood ni rwchapkwrwng Akriti Kakkar. Chasalo Agartala birkhung kholao bono lamsogwi kha montri Sudhangshu Das ni OSD no khobui kubuni adongrok. Asalo koktwma thumnai rokni bwskango rwchapkwrwng sakha, chwraiphuru waisa Tripura oh phaikha bo. Phiyabha aswk bisi kolokma laimani yagulo Tripura o rwchapmung ni bagwi phaiwi belai no kha-tongthok jakha bo. Kwbangma Reality show o as a judge wngwi Akriti Kakkar no TV o nogwi tongo chwng joto no. Tabok ah Akriti Kakkar no dadak sidak naina bagwi nasinglaijak Fatikroy ni kwbangma lukorog. Chasalo Fatikroy Milan mela ni 3rd ni salo rwchapnai bollywood ni rwchapkwrwng Akriti Kakkar. Hor ni dam char ni simi dam chi jora rwchapnai bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
