Phainai 26 february tangsalni simi 29 february jora Agartala doly o songchajakna thangwi tongo North East India ni 7th Youth Festival. North-east ni kai char haste ni 845 sikla rok bo oh ter o manjaknai. 26 february aulini Purbasha complex o chengsamani yagulo aulini Rabindra Bhavan, Purbasha, Nazrul kolakhtro, tei town hall o songchajaknai youth festival ni joto events rok. Phainai 29 february o paithakni panda songchajakha aulini Astabol thwngkholao. Asalni pandao manjaknai haste ni montri okra Dr.Manik Saha. Asalni pandao rwchap phainai hakotor ni mung gwnang rwchapkwrwng Shaan. Bono karwi bo rwchapnai haste ni mung gwnang rwchapkwrwngjwk Sourabhi. Chasalo kaisa kokthum panda khwlaiwi sakhwlai rikha haste ni thwng tangbedekni montri Tinku Roy. Oh festival no jugalna bagwi haste ni naimwthang bodol joto bwkhak twi chubachu khwlainai hinwi sakha montri. Asalni kokthum pandao montri Tinku Roy no karwi bo manjakha Tripura haste ni thwng tangbedekni Director Satyabrata Nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
