Tripura ni koktwma bedek o kha khamlai mwng pati mwng pati kha, pha salni phung o langma ari kha haste ni senior kokthum thum nai eba Tripura ni puila dainik koktwma bwlai jagaran ni tangphang Poritosh biswash. thwi mani jora oh bini umar ungkha sini chi tham bisi. kwdukma bisi romwi kidney bemar manjagwi tong mani bo. abo simi ya bwkha ni bemar tei liver no twi bo sak nai rwjagwi tong mani, bo thwima bai mwthagwi thang kha ba chi bisi ni kokthum ni thinang. umar chi chuku bisi o kokthum thumnai ung nani mwchug maoh rajakhor aguli o phai mani dhalai hangkor kulai ni tong nai Poritosh biswash.1981 bisi o jagaran koktwma bwlai ni bajra yapharwi naharkha bo. abo ni ulni simi kaham khe no samwng khwlai thangkha. bo thwima bai pha salo kha khamlai mwng yapharkha haste ni montri okra Dr.Manik saha,kwcham montri okra eba haste saabha ni dagiphang Biplab kumar deb tei kendriya prati montri Pratima bhowmik.Poritosh biswash thwi mani koktwma manwi no ah salni phungo laxminarayan bari road gana jagaran bhavan o thangwi thwi thang nai tangpha no pai thak ni borom yaphar kha Tripura hapang ni hukbar montri Ratan lal nath, kokthum tei hukumu dagimung tang bedek ni okra naikolnai Bimbishar bhattacharjee tei agartala pura nigam ni mayor Dipak majumdar. Poritosh biswsah thwi ma bai Tripura ni koktwma bedek o belai khe no deramwng o kwlai nai hwnui sakha agartala pura nigam ni mayor Dipak majumdar. abo ni ulo paithak ni borom rwkha bini tong thai nogo thangwi Tripura hapang ni kokthum tei hukumu dagimung tang bedek ni okra naikol nai Bimbishar bhattacharjee Haste ni senior kokthum thumnai eba jagaran koktwma bwlai ni tangphang Poritosh biswash thwi ma bai Tripura gwnagui no kha khamlai jak koktwma tang bedek o.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
