Montri Tinku Roy ni chaitukmung bai khwlaiwi no sal kwdwkma romwi agar buphangni hukbar khwlainai tei bania khwlainai rogni emang no muthang khwlaijak kha sangrong salo. 54 no kadamtala kurti bidhansabha ni borogula amchaio kaisa pandani bisingtwi bharat hakotorni puila agar market swnamjakna bagwi samung bwtangno sangrong salo chengsai rikha hasteni thwng tang bedekni montri Tinku Roy. swnamkhorni beremno kaham khwlaina bagwi tei hasteni rangthong ni beremno teibo kwrak khwlaina bagwi oh kwtal samung bwtang kaisa kotor yakumunbi mari wngnai hinwi tabok kha khwlaijak kha. ah joto kok rog wansogwino sangrong salo agar bania ni ah kwtal market no swnamna bagwi yapri naharjak kha haste haphangni bwkhaktwi. tabok hasteni haphangni bwkhaktwi agar buphangni bania ni bagwi nangkukmani yapri rog naharjaknai hinwi saimnakha. 2018 bisini bidhanasabha chongmario 54 no kadamtala kurti bidhansabha ni kendra ni simi MLA wngwi kwplai wngmani simino tabok swk jora bania khwlainai rogni bagwi kwbangma kaham kaham yapri nahar kha montri Tinku roy. sangrong salni ah pandao montri Tinku Roy no karwibo Manjak kha salgra hangkhor naikulphang Devapriya Bardhan , salgra hangkhorni police super Bhanupada Chakrabartty, Kadamtala RD block ni panchayat somitini chairman Subrata Deb , salgra hangkhorni bolong tang bedekni okra naikulnai Soman mala, hangkhorni achukphang Bhobtosh Das , All tripura Agar association ni Achukphang Shoilen Nath no khobwi kubuni adong rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
