22 february ni salmario Tripura haste ni Governor Indrasena Reddy Nallu ni yak ramwi Fatikroy school ni ground o chengsajaknai hukumu rwkjak’ Milan Mela’. Oh Milan Mela no kitingwi swrang salo kaisa kokthum panda khwlaiwi sakhwlaikha haste ni maalmata tangbedekni montri eba Fatikroy bidhansabha ni MLA Sudhangshu Das. Bo teibu sakha, oh mela montri okra ni yak ramwi phiyogjaknani kok tongmani, phiyabha 22 february ni salmario montri okra Delhi o thangna naimani bagwi Governor ni yak ramwi phiyogwi rijaknai oh mela. Phainai 25 february jora cholinai oh mela. Salbrom ni dam ba ni simi dam char jora amchaini artist rok rwchapnai tei dam char ni simi phatar haste ni artist rok rwchapnai. Mela ni puila ni salo rwchapnai haste ni mung gwnang band’ Magvalika’, 2nd ni salo Bangladesh ni baul rwchapkwrwng Sagar Baul tei Badal Modak rwchapnai, 3rd ni salo rwchapnai bollywood ni mung gwnang rwchapkwrwng Akriti Kakkar, 4th ni salo rwchapnai bollywood ni rwchapkwrwng Ash King. Oh mela ni kaisa no nasikmung, hoda sikla rok no phekjaknai manwi ni hachal khe tonrinani bagwi no oh mela ni nasikmung hinwi sakha montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
