kwdukma sal romwi no Teliamura bwkhaste sakham nogo swi,aming,mwkhra choprob mani no twi nangkuk mani bithi kaham khe manya ungwi tong kha, aroh haste hapang ni bwkhak twi tong kosong loku rok ni sak, rwng swrung mwng no bwskang o tonwi no samwng khwlai nani sanlai mwng khwlai jak tong kha, aro rogo sal burum burum no bwkhaste sakham nogo bithi manya ungwi tongkha. magnang no sakham nok ni simi bithi eba antidote man nani kok, ayang phasing nukjagao antidote sakham nok ni phatar o thangwi phal nok ni simi rang kwbang rwoi pai nani nang tong kha tong kosong loku rok no.kokti salni horo telaimura kushki amchai o khorok sa churai swi bai warjak mani, abo ni ulo dati khe ah churai ni nok ni borok rok teliamura bwkhaste sakham nogotubwi phai khe, sakham nok ni simi sawi rwkha nangkuk mani antidote rwoi mangalak, tangwi hwnkhe tabuk sakham nogo kwrui.ah phuru choprob jak nai churai ni nok ni borok rok sakham nok ni phatar o thangwi antidote pawi tubkha abo ni ulo ah churai no antidote rwkh sak naikolnai. joto pati mwng no twi tangsalo teliamura bwkhaste okra saknaikol nai bai kok sana naikhe puila o bo ah pati mwng no twi mwng sa bo kok saliya.abo ni ulo bono swng mwng khwlai khe paithago bo saklai kha, lai thanai tal nwi tal tham romwi sakham nogo kwrui mwng sa bo antidote eba bithi.abo ni logi bo saklai kha, kwchug thai ni naikolnai rok no saphano mwng sa bo samwng ungliya hwnui. teliamura bwkhaste sakham nogo antidote kwrui ah koktwma sai man khe no loku rok ni kha bising o swng mwng kasai tong kha, tabuk naharmwng naikolnai rok ni bwkhak twi tamo sep naharjak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
