Tangsalo huijak koktwma ni bising twi tei amchaini lukorog ni chubachu bai Dharmanagar ISBT ni khorok dok sidi kwran ni bania khwlainai rok no romkha Dharmanagar thanani police. Borokni logi khorok sa cherai bo tongo hinwi saimankha. Hangkhor police officer Debasish Saha sakha, Sidi kwran twiwi by-road Jirania ni simi Kumarghat jora sokphaikha borok. Aroni simi auto malkhung bai Dharmanagar ni ISBT o thangkha borok. ISBT ni simi bus bai khe phatar haste o thangna naimani borok. Phiyabha huijak koktwma ni bising twi borok no ramwi borok ni thani naicherwi 17kg 756 gram sidi kwran mankha Dharmanagar police. Romjaknai rok wngkha Bikash Mandal, Kabita Devi, Mongali Devi, Rinku Devi, Ranju Devi, tei Soman Devi. Joto ni nogno Bihar ni Samastipur hangkhor o hinwi saimankha. Manmani sidi kwran ni hati dor 2 lakh wnganu hinwi sakha Dharmanagar bwkhaste ni police officer Debasish Saha. Oh patimungno twiwi NDPS mamla khwlaikha Dharmanagar thanani police. Tangasalo borok no dorbar nogo tisanai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
