20 February eba kwrak salo chopsa samung bwtangno twiwi Jammu & Kashmir o thangnai hakotor ni montri bokhorok Narendra Modi. Kwrak salo Jammu & Kashmir ni kwbangma projects no phiyogwi rinai bo. Abo rok wngkha rwng swrwngnog, jaijor tei lama swnammani projects no phiyogwi rinai. Montri bokhorok ni habanogni bwkhak twi sai mankha, Jammu ni Moulana Azad Stadium o songchajak panda o manjagwi 30 thousand 500 crore rangni projects no phiyogwi rinai montri bokhorok Narendra Modi. Aboni logi kendra haphangni sebok manai 1500 borok rok no appointment letter yapharwi rijakha. Aboni logi ‘bikshit bharat’, bikshit Jammu’ ni pandao kwbangma haphangni sep sap manai rok bai koklam salainai bo. Abono karwi bo video conference ni bising twi hakotor ni kwbangma rwngnog no bo phiygwi rinai. Aroni bisingo tongo Bijoypur ni AIIMS Jammu, IIM Jammu, IIM Buddha Gaya tei IIM Visakhapatnam. Central School tei Navodaya School ni kwtak bhavan no phiyogwi rikha hakotor ni montri bokhorok Narendra Modi. Kwrak salo Jammu & Kashmir o thangwi Jammu birkhung khola ni kwtal Terminal tei Kashmir ni rail projects no phiyogwi rinai hakotor ni montri bokhorok Narendra Modi. Aroni bisingo tongo Banihal, Khari, Summbar, Sangaldhan ni 48 kilomiters rail lama. Aboni wngwi no Baramulla-Srinagar tei Banihal section ni pherengni system no bo phiyogwi rinai bo. Aboni logi Jammu Kashmir si simi Qatar o thangnani, Srinagar ring road, Kulgam-bypass, Pulwama-bypass no phiyogwi rinai hakotor ni montri bokhorok Narendra Modi. Bo thangna naimani bagwi amchai rwgwi belai no kwrak security system khwlaijakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
