2014 bisi o bharat ni montri bokhorok ni thaio Narendra modi bajra naharmani ulni simi no hakotor ni mangpili no swlaijakha, hakotor no bobo hai khe kwchugo karwni, abo ni lama phunugwi rikha bo, abo ni swkang simi corruption ni hapang chung nukha, thung kwrung bodol khwlaiya karwi bo hakotor no bobo hai khe kwchug o tisai man nai, abo rok no phunugwi rikha montri bokhorok Narendra modi, rajakhor aguli ni pragati school ni panda o phawi manjak phai mani o pha salo abo haikhe no sakha haste ni montri okra Dr.Manik saha.montri bokhorok lama phunuk mani oh no samwng khwlai tong kha tabuk ni haste hapang,ration shop ni bwkhak twi tabuk ni simi gomti cooperative ni bwkhak twi manwi bo man nai,puila o sadar bwkhaste bai khobjak kai chi ba ration shop o rwjak nai kai bwrui milk product, abo rok ungkha Ice cream, doi, ghee tei ponir. pha salo ah panda no songsai rwkha montri okra Dr.Manik saha, abo ni ulo saklai kha montri okra, north-east bharat ni emang soi ungya khe, bharat hakotor tei kwchugo kawi mangalak, haste no joto phasing twi no kwchugo karwna ni bagwi Tripura o’Hira model’songsai rwkha bo. tabuk samwng khwlai jak tong kha, kai dok lahar kotor ni. gosi mwng rwjakha teibo kai bwrui lahar kotor ni, abo ni logi kai bwrui ropeway ni bo gosi mwng rwkha kendriya hapang.dati no abo ni samwng bo songsai rwjak nai,bharat ni bising o 3rd phan gwnang internet getway tongo Tripura o.tei Agartala airport o international khwlai nani bagwi 250 crore ranng ni gosi mwng rwkha kendriya hapang. Pha sal ni ah panda o phawi manjak phai kha haste hapang ni chamwng tang bedek ni montri Sushanta chowdhury, ah salo bo saklaikha, Tripura haste o tabuk no puila ration shop rogo milk product man nani nai tong kha haste ni loku rok.puila o no chonghorwi najak kha rajakhor aguli ni kai chi ba ration shop no.abo ni ulo joto haste gwnagui no ah sep rwjak nai, loku rok mwng sa suk deramwng rogo ta kwlai thung tei ration shop rogo joto phasing twi no sep man thung abo ni bagwi ah sep nahar jak kha haste hapang. Tripura hapang ni chamwng tang bedek tei gomti co-operative milk producers union limited ni luajimung bai songsa jak mani panda o pha salo phawi manjak phai kha haste ni montri suklacharan noatia, agartala pura nigam ni mayor Dipak majumdar, salthang Tripura hangkor parisad ni achugphang Haridulal acharjee, gomti co-operative milk producers union limited ni chiarman Ratan ghosh, haste ni malmata tang bedek ni okra sachib BS.mishra, tang bedek ni okra naikolnai Niraj kumar chanchal, chamwng tang bedek ni sachib Raval Hemendra kumar tei tang bedek ni okra naikolnai Nirmal adhikari.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
