Phasalni dipor jorao New-Delhi ni bagwi ongkhorkha Tripura montrisobha ni members sng. Phainai 17 tei 18 february ni salmario Delhi ni Pragati thwngkholao Bharatiya Janata Party ni convenor ringkha bodol ni hakotor rwk president JP Nadda. 2024 bisi ni loksobha chongmarino bwskango toniwi no Delhi ni Pragati thwngkholao o BJP ni convenor songchajaknai hinwi saimankha. Asalni pandao manjaknai hakotor ni montri bokhorok Narendra Modi, union home minister Amit Shah no khobui kubuni kuchuk beremni ojama sng. Ah pandao manjakna bagwi phasalo Delhi o thangkha haste ni montri okra Dr.Manik Saha. Bini logi logi thangkha montri Sudhanghsu Das, Pranajit Singha Roy, Loksobha ni MP Rebati Tripura, haste ni kwcham yakchu montri okra Jishnu Debbarma. Bodol ni pandao manjakna bagwi Delhi o thangkha Bharatiya Janata Party ni pradesh president Rajib Bhattacharya. ‘Phir se ekbar Modi sarkar’ hinwi slogan rikha bo. Bodol ni pandao manjakna bagwi New-Delhi o thangkha Tripura montrisobha ni members, MLA, no khobui bebagwi 146 BJP ni ojama sng thangkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
