Hukbar motha ni bwkhak twi ringjak mani bandh abo kami hatai ni simi romwi aguli rogo bo nukjaliya bandh ni mangpili. thung kwrung ni bwkhak twi phano ung thung eba hukbar khwlai nai loku rok ni bagwi phano ung thung rinjak mani bandh no twi khorang tisa kha haste ni hukbar khwlai nai rok bo. hukbar khwlainai rok ni kok o haste hapang ni gosi mwng rok no borok chajakya, tei hukbar khwlainai rok ni kwthumlai mwng no twi logi rwiya haste ni hukbar khwlainai rok. sathai kwlai oh hakotor ni hukbar khwlainai rok no phan kwbang khwlaina bagwi yak tong o modi hapang ni. hukbar khwlainai rok ni kaham hamkwrai ni bagwi phologwi rwjakha dal bidal samwng bwtang,2014 bisi o Narendra modi ni naikol mwng o kendra o BJP hapang ung mani ulo hukbar khwlainai rok no kaham sep rwoi tongkha montri bokhorok Narendra modi.2014 bisi ni ulo hukbar khwlainai rok ni bagwi kwbangma samwng bwtang chengwi rwkha tabuk ni kendriya hapang. joto hukbar khwlainai thai rogo twi rwna ni, PM krishi sinchai yojona, PM krishi bikash yojona, fashal bima yojona abo hai kwbangma yojona no rwjkha kendriya hapang ni bwkhak twi. abo ni logi Tripura haste hapang bo hukbar khwlai nai rok ni kok wansugwi samwng khwlai tongkha. abo ni logi hukbar khwlai nai rok teibo kaham khe rang aji oi man nano twi hukbar khwlai nai rok ni thani maichalam pai nani gosi mwng bo nakha tabuk ni haste hapang tei kendriya hapang, abo hai sep manwi kha phur jak haste ni hukbar khwlai nai rok. tei hakotor ni hukbar khwlainai rok ni ringjak mani bandh no twi mwng sa samwng nangya hwnui wansuklai jak Tripura ni hukbar khwlainai rok. abo no twi salsi krishnapur kami panchayet amchai ni khoroksa hukbar khwlai nai saklaikha, kendriya tei haste hapang ni hukbar khwlai nai rok ni bagwi swnam jak mani dal bidal samwng bwtang ni bwkhak twi kaham no sep manwi tongkha. loksabha chongmari ni swlang BJP no deramwng rogo khiklai nani bagwi hukbar khwlainai rok no wbskang o bacharwi kebeng nai bodol rok thungwi tongkha, phiya ba hukbar khwlai nai rok no keebeng nai bodol ni wansuk mwngrok no naikol liya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
