Sangrong salo Agartala city ni Grandiose Club amchaini khungsa nog barao khorok sa bwrwi ni thwichacharuro mangthwi mankha. Ah bwrwi no bwtharkha hinwi koksilsakha bini nukhungni borok. Patimungni koktwma manwi Forensic team no twiwi patimung thaio thangkha police. Aboni yagulo mangkwthwi no khochawi post-mortem khwlaina bagwi sakham nogo horjakha. Sadar ni SDPO Dulal Datta sakhwlaikha, thanai taltham ramwi Grandiose Club amchaini khungsa nogo bara tongo Sipra Biswas mungwi khorok sa bwrwi, bini omar 45 hinwi saimankha. Bwsai bai kaklaimani yagulo tei khorok sa chwla bai livingo tongo oh bwrwi hinwi saimankha. Sal kisa swkangno bono satok pitok khwlaikha bini living partner Madhav Shil. Swrang salo eba Saraswati mwtai ni diporo Madhav Shil no nogni ongkhorwi thangmani nukkha nog bugra ni borok rok. Aboni yagulo sangrong salni phungo Sipra Biswas no nogni ongkhorma nukyani bagwi bini bara nogo thangkha nogni bugra. Bini nogo thangwi nogwi mankha, bisanao bokhoktwi thwiphaijak khe Sipra Biswas ni mangkwthwi mankha. Bwmani thwimani koktwma manwi sangrong salo patimung thaio thangwi sagwikha bwsajwk. Bini koksilsamung bwma Sipra Biswas no bwtharwi nog yakarwi kharwi thangkha Madhav Shil. Hor sal bwma no satok pitok khwlaio hinwi sakha bo. Patimungni yagulo amchai rwgwi belai no wanalaijak amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
