Sangrong salo Netaji Subhash Vidyaniketon bwskango kaisa panda ni bising twi ‘mukkhamontri jana Arogga yojana’ no phiyogwi rikha haste ni montri okra Dr.Manik Saha. Khursathai kwlaio Ayushman Bharat eba pradhanmontri Jana Arogga yojana ni bising twi hakotor ni kwbangma lukorog hamari mankha. Tripura ni 9 lakh 75 thousand nukhungni bisingo 5 lakh 12 thousand nukhungni borok rok oh projects ni sep sap mankha. Tabok pradhanmontri jana arogga yojana eba Ayushman Bharat projects ni sep sap manya rok no tabok health insurance rina bagwi mukkhamontri jana arogga yojana no chengsawi rikha montri okra. Oh projects ni kaisa no nasikmung haste ni joto nukhungni borok rok no sak naikoljaknani sep sap rimung. Haste tei phatar haste ni joto sakham nog rokno ayushman bharat projects ni bisingo tubujakha, ah sakham nogo bo mukkha montri jana arogga yojana ni sep sap manai rok no kaham khe sak naikoljaknani sep sap rijaknai. Oh projects bai khobjak nukhungni borok rok no bisi o sak naijakna bagwi mangwna 5 lakh rang rijaknai. Tei oh projects bai khobjak nukhungni borok rok no sakham nogni suti manmani yagulo 15 days ni bagwi bithi chanani bithi rijaknai. Asalni pandao thamchi borok rok no mukkha montri jana arogga yojana ayushman card rijakha. Asalni pandao montri okra no karwi bo manjakha haste ni rangthong montri Pranajit Singha Roy, haste beraikhiri tangbedekni montri Sushanta Chowdhury, haste ni maalmata tangbedekni montri Sudhangshu Das, thwng tangbedekni montri Tinku Roy, Tiprasa hamkrai tangbedekni montri Bikash Debbarma, swnamkhor tei bania tangbedekni montri Santana Chakma, minority tangbedekni montri Sukla Charan Noatia, Agartala municipal corporation ni mayor Dipak Majumder, pradesh BJP ni president Rajib Bhattacharya, haste ni chief secretary JK Singha, sakham tei nukhung hamkrai tangbedekni sceretary Kiran Gitte, Tripura health protection society ni scretry DK Chakma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
