Rajesh Munda mungwi khorok sa borok no botok khwlaimano kebengwi sangrong salni phungo Khowai Dolabali bhagan school ni lahar no kasukha All Adibasi Association of Tripura. Thanai 7 february ni sarikphango Khowai Kamalpur ni lahar o khungsa scooty tei tomtom thutailaikha. Ah patimungo belai no sak derakha scooty chaloknai Rajesh Munda. Scooty chaloknai ni no chaya hinwi bono kothomlaiwi bwlaikha amchaini samung sitra tangnai rok. Patimungni hati barsa laimani yagulo bo sak hamya khu Rajesh Munda. Oh patimungni kaham naichermung sanwi 15 february eba sangrong salo lahar kasulaikha All Adibhasi association oh Tripura. Lahar kasumani yagulo lamao belai no jum wngkha. Lahar kasumani koktwma manwi patimung thaio thangwi lahar kasunai sngbai kok sakha SDPO Prasun Kanti Majumder. Phainai nwi chi bwrwi ni bisingo oh patimungo gwdaljak samung sitra tangnai rok no romnai hinwi sakha bo. SDPO Prasun Kanti Majumder kok rimano maniwi paithago lahar kasumani rosawi naharkha lahar kasunai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
