Swrang salni horo Saraswati mwtai naiwi Melaghar ni simi Udaipur Kakrabon ni nogo thangmani jorao Mohanbhog Kalapani amchaio bike tei auto malkhung dadak sidak thutaiwi sak derakha khorok bwrwi. Patimungni koktwma manwi Melaghar hor bwtharnai brindhiya sngno koktwma horjakha. Sak deranai rok no Melaghar sakham nogo twlangjakha. Auto malkhung chaloknai Ramu Das tei bini logi tongnai Dipak Debnath belai no chuwak kephek hinwi saimankha. O patimung auto malkhung chaloknai belai chuwak nungwi malkhung chalokmani bagwi no abohai patimung patikha hinwi koksilsakha amchaini nuknai lukorog. Tei baisa bwkhak Melaghar thanani police patimung thai ni auto malkhung tei bike no Melaghar thanao tubuwi phaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
