Abu Dhabi o swnamjagwi tongo Swami Narayan ni mondir. Muslim ni dopha ni hakotor o abono puila hindu ni mondir. Swrang salo ah mondir no phiyogwi rikha montri bokhorok Narendra Modi. Oh mondir phiyogmani bising twi no laibuma swijakha. BAPS mungwi kaisa songstha rok oh mondir no swnamkha. Oh songstha rok Bharat hakotor ni phataro hindu mondir swnamwi tongo. Abu Dhabi o oh mondir phiyogjakmano kitingwi BAPS hayungni 1200 hindu mondir o arti khwlaina bagwi songchajakha. Abu Dhabi o mondir phiyogjakmani yagulo aro bo arti khwlaijakha. Ah mondir phiyognani swkang Ganga tei Jamuna ni twi lokhalaikha montri bokhorok. Abu Dhabi ni Sheikh Zayed Highway ganani 27 e-kar jagao swnamjakha oh mondir. Oh mondir o swnammao 700 crore rang baikha. Kwcham hindu mondir rok no follow khwlaiwi no oh mondir swnamjakha. Oh mondir no twiwi BAPS ni president Swami Brahmavihridas sakha, “Scientific bai kwbangma mondir ni hai khe no oh mondir swnamjakha. measuring pressure, heat, seismic movement no suna bagwi joto level oh no High-tech sensors thepajakha. Ah sensors automatic Information rahornai. Mondir no safety khwlaina bagwi no abohai yapri naharjakha. Oh mondir swnamma jagao kaisa mungsa fano metal use khwlaijakya hinwi sakha bo. Rajasthan ni simi 20 thousand ton pathar Abu Dhabi o twlangjakha hinwi sakha mondir ni adongrok. 2019 bisi ni simi oh mondir swnamnani samung chengmani. Bisi ba ni bisingo no mondir swnawmipaikha. Montri bokhorok Narendra Modi ni yak twi no oh mondir phiyogjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
