Kwrak salni horo Golaghati bidhansabha bai khobjak Kanchanmala gram panchayat ni 2 no ward ni member Purnima Das ni nog ganani rubber bhagan no sogwi rikha samung sitra tangnai rok. Rubber bhagan o hor nangmani nogwi Purnima Das bini nukhungni borok rok no rihinka. Borok ni khorang khwnawi gana gini ni lukorog phaiwi hor bwtharna chengkha. Phiyabha ah jorao 30 hai rubber bhophang khamwi thangkha. Swrangsalo rubber khamjaknai panchayat ni member ni nukhungni bwkhak twi Amtali thanao mamla khwlaijakha. Swrangsalo koktwma thumnai rokni bwskango patimung no twiwi swbai sukurwbwi Sai khwna rikha Purnima Das ni nukhungni borok rok. Samung sitra tangnai rokni abohai samungni yakni banchina bagwi hujak tongna bagwi koikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
