Tripura police ni 150 bisi pungsama salno kitingwi Tripura police ni chubachu bai tangsalo aulini Rabindra Bhavan oh Art and Craft Exhibition songchajakha. Asalni pandao nogorai okra wngwi manjakha montri okra Dr.Manik Saha. Bono karwi bo asalni pandao manjakha director general of police Amitabh Ranjan no khobui kubuni adongrok. Asalni pandao kok narukna thangwi montri okra sakha, Tripura talent ni biyal kwrwi, Tripura police ni exhibition on abo swrai swrai khe nukjakha. Haste ni naimwthang no naikolmani logi logi sak baithangni talent no bo phunugwi rikha haste ni naimwthang bodol. Haste ni low & order ni samulokmungo haste ni mung no kwchugo twlango Tripura police. Borok ni oh boyer no phainai salo bo bowi toninai hinwi sakha. Asalo haste ni low & order ni hamkrai ni kok no bo sawi khwna rikha. 28 haste ni crime rate o Tripura ni thai 5th tubuwi Tripura police ni mung chukrikha. Tripura haste ni crime rate 43.8 %. Asalni panda paimani yagulo exhibition no goriwi naikha montri okra. Hoda no hamya boyer ni yak kakrimani logi logi Arts and Crafts oh borok ni talent phunukmani bagwi borok no kha kaham tei hamjakma yapharkha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
