Jora kwdukma romwi no Tiprasa loku rok dal bidal manthai tei sanmwng rok sanwi phai tong mani, phiya ba kaisa phano manthai rok manya ungwi tongkha, jora thang o jora phai o, tei hapang bo swlai jago, kok rwoi phano se samwng khwlaiya ungwi tongo naikolnai rok,lai thanai talsa romwi no sanmwng khwlai phaimani je taklsi bisi o TBSE board ni amjwk mwng o madhyamik tei kwchug madhyamik amjwk mwng rogo roman script bai amjwk mwng rwna ni bagwi,abo no twi TBSE board ni achugphang Dr.Dhananjoy gan chowdhury bai bo malai laimani dal bidal rwng swrung nai motha tei TISF bodol tei TSF bodol ni naikol nai rok, phiya ba TBSE ni achugphang waisa khe ba rwnai wauisa khe ba rwiya hwnui kok sawi tong o, tei abo ni bagwi 12 february eba tang sal o joto Tiprasa rwng swrung nai motha thansa ungwi bandh ni bagwi ringkha, tei borok ni saklai mwng, tiprasa loku rok ni sanmwng rok manya sak borok bandh rosagalk hwnui.abo ni bagwi tini eba tang sal ni phung ni simi no barmura hatai kotor tei birgudas rail track line mwthaglaikha kwbangma tiprasa loku rok, phung ni simi no tire sogwi lama kasu lai mani nukjakha, borok ni kaisa no sanmwng taklsi bisi amjwk mwng rwnai rok no roman script bai no amjwk mwng rwna ni nang nai hwnui.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
