Tiprasa rwng swrwngnai swrwngnaijwk rok madhyamik tei kuchuk madhyamik ni amjokmung oh roman script bai amjokmung rinani bagwi bisi kolokma ramwi sanlaiwi phailaimani phiyabha, ah sanmungno mwkthang khwlaijakya. Aboni bagwi jwngjalo kwlaijak tiprasa rwng swrwngnai swrwngnaijwk sng bisi brom brom no borok ni sanmungno tisawi choba khwlaiwi phaikha, phiyabha tabok fano borokni sanmungno mwkthang khwlaijakya. Swkangni haphang eba yakchi haphang ni jorao madhyamik tei kuchuk madhyamik amjokmung oh roman script bai amjokmung rinani bagwi sep tongmani, phiyabha tabokni haphang phaimani yagulo ah sep sap rok joto no norwi rijakha. Oh roman script no twiwi bidhansabha session oh bo kwrak khwlaiwi kok tisakha haste ni kebengnai bodolni ojama Animesh Debbarma. Tabok jora tiprasa rokni roman script ni sanmungno mwkthang khwlaijakyani bagwi no tangsal eba 12 february ni salmario TISF ni luajimung bai Tripura haste rwgwi strike khwlaijakha. Assam-Agartala lahar, Hathai kotor, Hezamara, Teliamura, Bishramganja lahar, train lama, tei kwbangma thaio no strick khwlaikha TISF ni adongrok. TISF bodolni choba o borok no support khwlaina bagwi yak bai yak romphaikha Tipra motha ni joto ojama sng. Abohai khe no tangsalni phungni simi lahar kasulaikha TISF sng. Lahar kasumani sarikphango TISF sngni manthai no maniwi naharkha haste haphang. Tangsalni sarikphango kaisa kokthum panda khwlaiwi abohai no sakhwlaikha haste ni tourism tangbedekni montri Sushanta Chowdhury. Bo sakha, TBSE bai naikoljak madhyamik tei kuchuk madhyamik amjokmungo rwng swrwngnai swrwngnaijwk sng bangla script tei roman script, oh kainwi script bai no amjokmung oh swiwi manai. Tabokni simi oh raida no thepajagwi tongnai hinwi sakha bo. Aboni bagwi TISF no borok ni strick khwlaimano rosawi naharna bagwi koikha montri Sushanta Chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
