Nogo kebo kwrui sini swkang nok ni false ceiling swbawi nogo habkha sikok, abo hai pati mwng patikha rajakhor aguli ni krishnagar gana thakur palli amchai oh,koktwma manwi pati mwng thaio phawi sokphai kha salthang thana ni police. nok ni nokphang Subhajit das saklaikha, canara bank o manager post o samwng khwlai oh bo, lai thanai 7 february swrang salo nogo tala rwou guwahati o thang mani bihik tei bwsai.nok ni chabi wjak tong mani nok gana ni tong nai khorok sa borok ni yago.lai thanai 8 february sangrong sal ni phung o gana gini tong nai loku rok borok no phone khwlawi saklai kha, nok tala rwjak phiya ba nk bising ni doga kisa khulugjak kahai nugwi mankha, abo ni ulo amchai ni loku rok thangwi cherwi naiphano kaham khe mokol oh kwlai liya, kokti salni phung o nogo kiphilwi doga ni tala khulugwi bising habwi nugwi mankha tei kaisa mangpili, borok nugwi mankha almari ni doga swbaijak, locker bo swbaijak,tei je nogo tong mani rang chak ni manwi abo rok joto no khogwi twlang thangkha, rang chak ni manwi rok hati o 2 lakh rang ni ung nai hwnui police no sakha nok ni phang Subhajit das.sal nwi sal tham ni swkang no modular kitchen ni samwng ung mani nogo,abo hai khe no sakha nok ni nokphang police ni bwskang o.tei khak sa phasing khe pati mwng no twi cherwi naikolna bagwi samwng yago naharkha salthang thana ni police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
