Kaisa jorao haste o thwini biyal nukjakha. Ah biyalno supungna bagwi haste ni joto lukorog no thwirimanio gwdalna bagwi koikha haste ni montri okra. Thwirimani no twiwi kokpirna bagwi sak tharwi samung khwlaiwi tongo borok- chasalo Agartala press club o songchajak kaisa pandao manjagwi abohai no sakha haste ni phereng tangbedekni montri Ratan Lal Nath. Lukorog ni bisingo thwirimani kok no twiwi hujak khwlaina bagwi asalo thwirimani panda songchakha Tripura haste ni Vidyut Limited ni Finance Department ni luajimung bai. Asalni pandao manjakha Tripura Power Transmission Limited ni General Manager Ranjan Debbarma, TSECL ni director SS Dogra. Asalni pandao kok narukna thangwi phereng tangbedekni montri Ratan Lal Nath sakha, haste ni thwini biyalno mwthakna bagwi no asalni panda songchajakha hinwi sakha. Thwirimani bisingo Tripura haste hakotor ni bisingo kaisa thai swnamkha. Thwirimani kaisa kwthar samung. Thwirimani bising twi chwng khorok sa borok no banchiriwi mano. Aboni bagwi no oh kwthar samungo bwskango phaina bagwi koikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
