Teliamura ni lukorogni Bisi kolokma ramwi nasingmani jora paikha. Teliamura municipal council bai khobjak 12 no ward ni kaisa kotor amchai thanai 50 years ramwi watwi ni jorao twi lomsawi tongo amchaini joto nog huk tei lahar rok. Aboni bagwi belai no jwngjalo kwlaijak amchaini lukorog. Swkangni haphangni jorao aswk sanlaimani yagulo bo borokni sanmungno mwkthang khwlaijakliya. Aboni yagulo 2018 bisi o haste o BJP haphang phaimani yagulo Teliamura municipal council o kwtal committee swnamjakha. Aboni yagulo Teliamura bidhansabha kendra ni MLAjwk Kalyani Saha Roy ni chaitokma bai tei Teliamura municipal council ni chairman Rupak Sarkar ni chubachu bai 3 lakh rang swbaiwi amchai rwgwi 52 miters drain swnamnani yapri naharjakha, tei phainai watwi ni jora phaiyani swkangno swnamwi painani bagwi sak tharwi samung khwlaiwi tongo. Phainai sal kisa ni yagulo no swnamwi painai oh drain. Ah samung bwtang rok no twiwi kok sakha Teliamura municipal council ni chairman Rupak Sarkar. Phainai salo Teliamura municipal council amchaini tei kaisa kotor drain swnamnani yapri naharkha municipal council ni adongrok. 12,13 tei 14 ward ni kwbangma drain rok bo swnamjaknai. Lahar o twi kwchamani rok joto no twi thangjaknai drain swnamjaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
