Bharat hakotor ni lukorog ni joto bwkhak twi hamkrai ni bagwi sak tharwi samung khwlaiwi tongo Bharat hakotor ni montri bokhorok Narendra Modi- Chasalo Santirbazar ni townhall o songchajak pandao manjagwi abohai no sakha haste ni montri okra Dr.Manik Saha. Loksobha chongmarini swkang gram cholo abhiyan ni wngwi 46-Surma Bidhansabha kendra o thangkha montri okra. Asalo bini logi thangkha Surma ni MLAjwk Swapna Das Paul tei Kamalpur ni MLA Manoj Kanti Deb. Asalni pandao amchaini chakra tei bania khwlainai tei tongkosong lukorog bai koklam salaikha montri okra. Bo teibu sakha, swkangni haphang rok sak baithangno karwi, tongkosong lukorog ni bagwi mungsa bo wansukkya. Kwtal kwtal jwngjal no chwengsawi rio borok. Phiyabha modi haphang ah jwngjal rok no mwthagwi tongo. Kami kami ni lukorogni hamari manwi no phainai loksobha chongmario kwbangma vote manwi kwplai wngnai montri bokhorok. Tongkosong lukorog bai koklam salaimani yagulo Mahabir cha-bhavan o thangkha montri okra. Aro cha-bhavan o samung khwlainai rokni nog nogo thangwi malaikha bo. Aro ni simi Surma ni Tahsil kamio thangkha. Aro thangwi Mahadev mondir no phiyogwi rikha haste ni montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
