2023 bisi ni haste bidhansabha chongmari o kaham bwthai khwlai mani ulo Tripura hapang ni ahh,tapashili tei malmata tang bedek ni montri ungwi samwng yago nahar mani fatikrai ni MLA Sudhngshu das, kai tham tang bedek ni samwng yago nahar mani ulo borok ni kaham hamkwrai ni bagwi samwng khwlai tongkha haste hapang ni ah montri. joto ni swlai ahh chash o Tripura no bobo hai khe kwchug o karwna ni man nai abo no naikol tong kha montri Sudhangshu das, pha salo pecharthal bidhansabha bai khobjak ahh tang bedek ni laljhuri ahh kendra no songsai rwkha bo, ah panda o phawi manjak phaikha Tripura hapang ni industry tei commerce tang bedek ni montri eba pecharthal ni MLA jwk Santana chakma, ah salni panda o kok narugna phuru montri Sudhngshu das saklai kha, CM Fisheries Development yojona bai haste hapang ni je samwng bwtang oh, abo ni phataro phano 10 crore rang rwjakha agi ni budget oh. ah rang ni simi haste ni joto ahh chash khwlainai rok no ahh pona bagwi rwjakha, ah salni panda ni simi montri teibo saklaikha, haste ni dal bidal thai ni simi hamya o kwlai jak je pukhiri tong o, abo rok no cherwi naikolwi samwng khwlai nani nai tongkha Tripura hapapng ni ahh tang bedek. CM Fisheries Development yojona ni logi pha salo 350 ni achugthai tei community hall no songsai rwkha montri Sudhngshu das tei montri Santana chakma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
