Kumarghat rail station oh khoroktham Bangladeshi no romkha 105 no battalion ni sengkrak rok. Aboni logi TR-02C-2220 number kaisa e-riksha no khobui Ranjit Kumar Datta no romkha. Bini nog Kailasahar ni Rangauti amchaio hinwi saimankha. Romjaknai rok wngkha Salma Begum, bwsai Alamin tei Tahir. Baisa bwkhak romjaknai khorok sa bwrwi sakha, borok samungni bagwi no haste o phaikha borok. Borok teibu sakha, Bangladesh ni khorok sa dalal no 30 thousand rang riwi Bharat hakotor o hapkha borok. Shiyaldah oh thangnani kok tongmani borokni. Romjaknai Ranjit Datta sakha, kwrak salni phungo Kailasahar ni Rangauti amchaini simi ah romjaknai bwrwi rok no Kumarghat rail station oh tubuwi phaikha Sagoi mungwi khorok sa dalal. Ah bwrwi rok no rail station oh tikhalaiwi rimani yagulo no BSF bai romjakha borok. OH Patimungno twiwi Dharmanagar ni GRP thanani police sakha, kwrak salo huijak koktwma ni bising twi 105 no battalion ni sengkrak rok khorok tham bangladeshi no romkha. Kwrak salni phungo GRP police ni thani romjaknai rok no yapharwi rikha BSF rok. Romjaknai rok no kok sungwi kaham khe naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
