Swrang salo aulini AD Nagar ni Agricultural Research Centre no naina thangkha haste ni hukbar tangbedekni montri Ratan Lal Nath. Asalo Research Centre ni conference hall o hukbar tangbedekni scientice rok bai malaiwi koklam panda khwlaikha. Asalni koklam panda paimani yagulo ah center no goriwi naikha. Ah center oh tmo samung wngwi tong tei haste ni hukbar tangbedekni hamkrai ni bagwi tamo tamo technology no twiwi samung khwlaijagwi tong aborok ni koktwma naharkha bo. Aboni logi soil testing labrotory center no goriwi naikha montri. Asalo koktwma thumnai rok ni bwskango montri sakha, jekono bithi rok kaham khe examin khwlaiyasak hatio tikhalaiwi mangwlak hinwi sakha. Tei phainai salo organic testing labrotory chengsana bagwi wansugwi tongo hinwi sakha bo. Asalni pandao montri ni logi tongkha hukbar hamkrai tangbedekni secretary Apurbha Roy tei director Saradindhu Chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
