2014 bisi oh hakotor o bharatiya janata party hapang khator jak mani ulo north-east bharat no bobo hai khe kwchug o karwna ni nang nai ayang phasing naharwi no samwng khwlai tong kha montri bokhorok Narendra modi. hakotor ni north-east ni joto tong nai loku rok ni thani joto phasing ni sep rwna ni bagwi gosi mwngbo nahar kha kendriya hapang. abo no kitingwi no assam haste ni guwahati o swnam jak kha north-east bharat ni AIIMS sakham nok. Guwahati o AIIMS sakham nok swnamwi bobo hai khe teibo kwchugo karwi man nai north-east no ayang phasing samwng khwlai kha hakotor ni montri bokhorok Narendra modi. abo ni logi saimankha,Tripura hasteo bo AIIMS sakham nok chengwi rwnai hwnui sep nahar jak tongkha, ah sakham nok swnam jakhe haste ni medical pori ni rwng swrung nai tei swrung nai jwk ni logi doctor rok no bo borom rwjak nai. Tripura oh AIIMS sakham nok chengwi rwna ni bagwi haste sabha o kwrak salo swng mwng tisakha haste ni kwcham montri okra eba haste sabha ni dagiphang Biplab kumar deb, bini kok ni swng mwng o kendriya hapang ni health tei family welfare tang bedek ni prati montri bharati pravin power ah salo saklai kha, north-east bharat ni bagwi samwng khwlai tongkha kendriya hapang.assam AIIMS man mani ulo puila sarkari medical college mankha nagaland tei mizoram bo. haste ni joti ni swlai puila sarkari medical college man nani nai tongkha sikkim.abo ni logi Tripura haste ni sarkari medical college no kwchugo karwna ni bagwi kendriya hapang 150 crore rang approval khwlaikha hwnui sakha health tei family welfare tang bedek ni prati montri Bharati pravin power. montri okra ni thai yakar mani ulo phano Tripura ni loku rok ni bagwi tabuk phano samwng khwlai tongkha haste ni kwcham montri okra eba haste sabha ni tabuk ni dagiphang Biplab kumar deb, kwrak salo abo rok no teisa nukjakha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
