Tang salni hor kwthug o samwng khwlainai tei malkhung chalugnai ni bising oh kok banglawi chproblai kha, abo hai pati mwng patikha udaipur ramesh chowmuhuni amchai oh rajiv petrol pump oh,private limited construction ni manwi khwnui phatar haste ni simi udaipur o tubjak mani,samwng khwlai nai manwi khwnui no unload khwlai tong mani ulo rang san mani malkhung chalug nai ni thani, tei ah rang san mani no twi khorok nwi ni bising o kok banglai lai kha,abo ni ulo choprob lai mani nukjakha khorok nwi ni bising oh no. ah pati mwng o khorok nwi samwng khwlai nai tei malkhung chalug nai sago dukhu mankha, logi logi no pati mwng no nugwi manwi amchai ni loku rok koktwma rwkha radha kishore pur thana oh,koktwma manwi pati mwng thaio phawi sokphaikha kwbang naimwthang bodol.abo ni logi koktwma manwi phawi sokphai kha hor bwthar nai tang bedek ni samwng khwlai nai rok, pati mwng thai ni simi sago dukhu man nai rok no khochawi gomoti hangkor sakham nogo twlang thang kha. ah pati mwng o kok banglawi choproblai mani no kitingwi udaipur ramesh chowmuhuni amchai oh haihola ung mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
