Hayung gwnagui bisi burum burum no 4 febuary oh palai jago world cancer day. ah salno kitingwi cancer bemar no bobo hai khe mwthagwi man nai ayang phasing international union against cancer no naikol oh WHO. hayung bai baksha khe Tripura haste oh bo kokti salo palai jak kha world cancer day. taklai bisi ni cancer bemar no twi slogan ungkha,’Close the Care Gap-Everyone Deserves Access to Cancer Care’.tei usulwi tong jak cencer bemar no twi kaham khe naicher nani nang nai. 2022,2023 tei 2024 ah sal tham bisi oh cencer ni phasing kaham khe naikol tongkha WHO. rajakhor aguli ni Atal Bihari Vajpayee Regional Cancer Centre o kokti salo’world cancer day’ palai lai kha haste ni montri okra Dr.Manik saha.abo ni logi montri okra saklai kha, cancer bemar man jak mani puila oh no kaham khe sak naikol nai phunok nani nang nai tei tong kosong loku rok ni bising oh sakthar mwng kwbang khwlai nani nang nai. cherwi naikol mani oh nukjakha cancer bemar manjagwi bisi burum burum no 90 lakh jona loku rok thwi tongkha.joto ni swlai bwrui rok ni bising oh cervical cancer, ovarian cancer tei breast cancer ung mani nukjago ayang phasing bo naikol nani nang nai. abo ni logi bo saklai kha, cencer ni bemar man nai loku rok no joto no magnang no saknaikol mwng rwna ni nai tongkha tabuk ni haste hapang. Atal Bihari Vajpayee Regional Cancer centre ih songsa jak mani kokti salni panda oh phawi manjak phaikha Tripura hapang ni sak naikol nai sachib Kiran Gitye, national health mission Tripura ni sachib DK. chakma tei Tripura sakham tang bedek ni okra naikolnai Dr.Supriya mallik.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
