Kaham thinang swnam nani bagwi jora bai baksha khe swlai nani nang nai, jora tei sep no kaham khe naikolna nang nai haste ni rwng swrung nai tei swrung nai jwk song no. Tripura haste ni rwng swrung mwng no teibo bobo hai khe kwchung o karwna ni nang nai ayang phasing sep nahar kha haste hapang.joto block o vidyajyoti school chengwi rwjakha, dal bidal samwng bwtang ni bising twi hapang ni bwkhak twi sep rwjakha haste ni tapashili haste bedek ni rwng swrung nai tei swrung nai jwk song no,Dr.BR.ambedkar gold medal tei merit award ni panda o phawi manjak phawi cha salo abi hai khe no saklai kha Tripura hapang ni tapashili jati kalyan tang bedek ni montri Sudhangshu das,rajakhor aguli ni rabindra satabarshiki bhavan ni 2 no. hall o songsa jak mani panda o phawi manjak phai kha tapashili jati kalyan tang bedek ni sachib BS.mishra, tang bedek ni okra naikolnai Ashim saha tei salthang Tripura hangkor parisad ni achugphang Haridulal acharjee. ah salni panda o phawi manjak pahwi montri Sudhangshu das saklai kha, dal bidal samwng bwtang ni bising twi hapang ni bwkhak twi sep rwjak tong kha haste ni tapashili jati bedek ni rwng swrung nai tei swrung nai jwk sng no. madhyamik thai ni SC rwng swrung nai tei swrung nai jwk song ni bagwi tang bedek ni bwkhak twi joto nono 7 hundred rang khwlawi rwjakha. National Portal Scheme bai khwlawi 7 thousand’s rang khwlawi scholarship manwi tongkha tapashili rwng swrung nai tei swrung nai jwk song. abo no karwi bo tapashili jati kalyan tang bedek ni bwkhak twi haste ni kwbangma rwng nogo hostel nok tangwi rwjakha, borok ni bagwi magnang no pora lekha khwlaina bagwi sep nahar kha haste hapang.abo no karwui bo national education policy no twi bo kok sakha montri Sudhangshu das. bo saklai kha, mwng sa haste ni rwng swrungnai rok usulwi tongwi mangalak. abo ni bagwi hakotor gwnagui education policy songsai rwkha kendriya hapang. Madhyamik tei kwchug madhyamik no karwui phano tapashili jati rwng swrung nai tei swrungnai jwk song ni bagwi bwskang o phai kha Tripura hapang ni tapashili jati kalyan tang bedek.je borok rok MBBS porina mwchug o, borok ni fee bisa oh 4 lakh rang khwlai rwnai haste hapang. hostel ni fee 13 thousand’s rang rwnai Tapashili jati kalyan tang bedek. engineering,nursing,pharmacy joto swrung mwng ni bagwi hapang ni bwkhak twi chubachu rwnai tang bedek.haste ni montri okra Dr.Manik saha ni gosi mwng o Tripura ni joto college o bwrui rok ni bagwi fee magnang khe no rwjakha. rwng swrung nai tei swrung nai jwk song ni bagwi haste hapang ni bwkhak twi mobile, computer, tab rwoi tongkha. cha salni panda ni simi abo no twi sawi khwna rwkha Tapashili jati kalyan tang bedek ni naikolnai montri Sudhangshu das. 2022-23 bisi oh madhyamik tei kwchug madhyamik o joto haste ni simi TBSE board ni 1st khorok chuku Tapashili rwng swrung nai tei swrung nai jwk song no 25 thousand’s rang khwlawi sokat rwjakha cha salo.borok ni joto ni yago sokat yapharwi rwkha Tripura hapang ni Tapashili jati kalyan tang bedek ni naikolnai montri Sudhangshu das.abo ni logi 60% lombor manwi kwplai ung nai salthang hangkor ni Tapashili rwng swrung nai twi swrung nai jwk song no rwjakha 1500 rang khwlawi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
