Loksobha chongmarini swkangno haste ni thwngrwng habar oh bodol swlaijakmani mangpili nukjakha. Joto bodolno borokni sak baithangni bodolno kwrak khwlaina bagwi chaitogwi tongo. Phiyabha bodol no kwrak khwlaina naiwi bo kwrak khwlaiwi manliya haste ni yakchi bodol. Tabok CPIM ni sipai rok BJP bodolni samung bwtang rok no nogwi BJP bodol ni bana ramwi tongbaikha. Chasalo BJP ni 39 Manu mondal ni luajimung bai kaisa panda songchajakha. Asalni pandao kwbangma voters rok kubuni bodol yakarwi BJP bodol ni bana romkha. Borok no bodol ni bana yapharwi lamsogwi naharkha pradesh BJP ni president Rajib Bhattacharya. Asalni panda paimani yagulo pradesh BJP ni president sakha, thanai 22 january ni yagulo teibu swrai swrai wngkha je, phainai loksobha chongmario hai no hai Narendra Modi ni haphangno wngnai. Haste ni kainwi seat oh no BJP bodol kwplai wngnai tei swkangni sai teibu kwbangma vote manwi kwplai wngnai BJP bodol. Asalo 39-Manu mondal bai khobjak 18 family ni 76 voters rok kubuni bodol yakarwi BJP bodol ni bana romkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
