Bodol ni bwkhaktwi haste ni simi bwskang o thangjak unakoti hangkor, abo ni ulo phano phai tong nai sal rogo tamo ung nai, loksabha chongmari no bwskang o tonwi bodol bobo hai khe bwskang o thang nai, abo no twi kok sana ni bagwi sangrong salo unakoti o thang kha pradesh BJP mohila morcha ni achugphang jwk Mimi majumdar.hangkortei mondal mohila morcha ni achugthai tei samwng khwlai nai rok no twi unakoti BJP hangkor ni haba nogo ah salo achuglai mwng khwlai kha borok.ah salni samwng bwtang o unakoti hangkor bwrui rok no 2024 bisi ni loksabha chongmari ni bagwi bodol no phan kwbang khwlai nani bagwi gosi mwng rwkha pradesh BJP mohila morcha ni achugphang Mimi majumdar.abo ni swkang saklai kha, bharatiya janata party pradesh achugphang Rajib bhattacharjee tei haste ni montri okra Dr.Manik saha phunok mani kahai lama o no Tripura mohila morcha samwng khwlai nai.2023 bidhansabha chongmari ni ulo phai tong nai loksabha chongmari oh bo kaham sep nahar nani nai tong kha mohila morcha.hakotor ni montri bokhorok Narendra modi ni dal bidal samwng bwtang no twi kok sakha Mimi majumdar, bo saklai kha, AYUSHMAN bharat ni simi chengwi Ujjwala Yojana, Jal Jeevan Mission, joot ni nok nogo no rwkha kendriya hapang,tei phai tong nai loksabha chongmari o Tripura ni kai nwi loksabha kendra o bharatiya janata party no kwplai ung nai hwnui sakha pradesh BJP mohila morcha ni achugphang Mimi majumdar. unakoti BJP hangkor ni haba nogo songsa jak mani achuglai mwng o sangrong salo phawi manjak phai kha Tripura pradesh BJP ni tangphang eba pabiachora ni MLA Bhagaban chandra das, Tripura Waqf Board ni chairman Mobswar Ali, BJP unakoti hangkor ni achugphang Pabitra debnath, achugphang Sushanta singha, hangkor mohila morcha ni achugphang Rama majumdar, pradesh mohila morcha ni tangphang jwk Lipika barua, kailashahar municipal chairperson Chapla debroy tei kailashahar mandal achugphang Sidartha dutta.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
