Phainai February tei March ni simi joto ration card gwnang nukhungno pharisha khwlaiwi mairum rinani bagwi yapri naharkha Tripura haphangni chamung tangbedek. Haste ni 9lakh 76 thousand ration card holders rok no kg oh 13 rupees khwlaiwi pharisha mairum rijaknai. Chamung tangbedekni luajimung bai oh talnwi oh 10 thousand metrick ton mairum tisanai. Kwrak salo secretariat oh kaisa kokthum panda khwlaiwi sakhwlai rikha haste ni thanglaisu tangbedek tei chamung tangbedekni montri Sushanta Chowdhury. Asalni pandao manjakha chamung tangbedekni secretary Rabal Hemendra Kumar, tangbedekni naikolphang Nirmal Adhikari, Deputy Director Animesh Debbarma. Asalo montri teibu sakha, Haste ni Sadar bwkhaste ni Arundhuti nahar ni chamung tangbedekni central center oh samung khwlainai rok 26 bwrwi rok ni hajira 150 ni norwi 305 khwlainani yapri naharkha haste ni chamung tangbedek. Bisi brom brom no 12 lakh rang bainai, ah rang joto no tangbedekni Cash Credit Account ni simi rijaknai hinwi sakha. Tripura haste ni thanglaisu no twiwi kok sakha montri Sushanta Chowdhury. Asalo bo teibu sakha, Kolkata, Guwahati, Imphal, Bengaluru, Delhi tei Shilong oh birkhung bai khe direct bai thangnani bagwi sep sap tongo. Hakotor ni montri bokhorok Narendra Modi ni twidulmung bai hira model ni bising twi thanglaisu tangbedekno teibu hamkrai khwlaijakha. Immigration ni samung paikhe Bangladesh ni Chotragram doly bai direct birkhungni bising twi kwrwngwi manai haste ni birkhung khola. Maharaja Bir Bikram birkhung khola bai Chotragram direct birkhung bai kwrwngwi manani bagwi Spice jeet no barja rijakha hinwi sakha bo. Aboni logi Tripura haphangni chamung tangbedekni luajimung bai naharjak kwbangma nangkukmani yapri rok no twiwi bo kok sakha montri Sushanta Chowdhury. Bo teibu sakha, Haste o teibu 51 ration shop bo kholokjak phinai, aboni yagulo kwtal ration shop ni dealership licence rimani bising twi haste oh teibu ajimungni lama barinai. Aboni logi Ration oh dor kom khwlaiwi no Gomati Diary bai swnamjak kwbangma manwi khwnwi bo manai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
