Haste ni khorok sa koktwma thumnai mwtai chalangkha. Tangsalno bini mwtai chamani koktwma manwi belai no kha-khamlaijak koktwma bedekno no khobui haste ni lukorog. Bisi kolokma ramwi Dainik Sambad oh sebok khwlaiwi tongmani bo. Bini mwtai chamani koktwma manwi kha-khamjakha haste ni montri okra Dr.Manik Saha. Bini mwtai chamao bini nukhungni borok no kha khamsamung yapharkha montri okra. Asalo Agartala press club o bini mangkwthwi no twlangjakha, aro bono paithakni borom yapharkha press club ni president Jayanta Bhattacharya no khobui kubuni koktwma thumnai rok. Dainik Sambad ni editor Pradip Datta Bhowmik sakha, chengsamani ni simi no Dainik Sambad ni koktwma thumnai wngwi sebok khwlaiwi tongmani bo. Ah jorao joto event rok saichung no samulogwi tongmani bo, tei mungsa program bo badriya. Bo khorok sa borok kaham tongmani. Bini mwtai chamao belai no kha khamlaijak bini habanogni sebok rok. Tei bini achukthaino kebo segwi naharwi mangwlak hinwi sakha Dainik Sambad ni editor Pradip Datta Bhowmik.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
