Bwrwi rokno sak baithang bhachawi manrinani, self help group no kaham halok swnamnani tei borok ni dukhu sukhu ni jorao borok bai kwrwngnani tei borok ni kaham jora tei hamya jorao borok no chubachu khwlaimungno Bharatiya Janata Party ni nasikmung. Aboni wngwi no hakotor rwk bodol ni president JP Nadda kaisa yapri naharkha, Bharat hakotor ni SSG group tei bwrwi rok bai naikoljak NGO rok no twiwi hakotor rwgwi kaisa phan rimung panda songchajaknai- tangsalo pradesh habanogo manjagwi abohai no sakha Bharatiya Janata Party ni general editor Papiya Datta. Bwrwi rok no sak baithangno bhachariwi manrinani pandao manjakha Gomati hangkhor ni BJP ni president eba Matabari ni MLA Abhishek Debroy, MLA Rampadha Jamatia, MLA Ranjit Das, Gomati hangkhor ni general editor Uttam Dey tei Gomati hangkhor ni president eba Kakrabon mondal ni vice-president Debal Debroy. Asalni pandao kok narukna thangwi pradesh BJP ni general editor Papiya Datta sakha, hakotor ni bwrwi rok ni hamkrai ni bagwi tei bwrwi rokni ajimungno bari rina bagwi kwbangma samung khwlaiwi tongo montri bokhorok Narendra Modi. Bwrwi rok ni phan no bari rina bagwi no swrang salo bo Gomati hangkhor oh phanrimung panda songchajakha. Tangsalni ‘phanrimung panda’ o Gomati hangkhor ni kai sini mondal ni kwbangma ojama rok bo manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
