Bihar ni montri okra ni thai ni simi resignation rwkha Nitish kumar, kokti salni phung ni dam chi sa oh bihar n rajbhavan o thangwi haste pha ni yago resignation letter yapahrwi rwkha Nitissh kumar, lai thanai sal nwi sal tham rowmi wansugwi tong mani, teisa allince swlai mano bihar ni montri okra eba JDEU ni adong Nitish kumar, lai thanai 2022 bisi oh NDA alliance yakarwi ongkhorwi phai mani tei RJD congress ni logi kai chi chuku bodol bai alliance ung mani, bisa ungkhe no ah alliance yakarwi NDA o thang nani nai tongkha,kokti salo hastepha ni thani thangwi resignation rwkha Nitish kumar. Rajbhavan ni simi ongkhorwi Nitish kumar saklaikha,Montri okra ni thai ni simi resignation rwkha. haste pha no hapang swbai rwna ni bagwi bo sakha, bodol ni kok kahai no resignation rwkha, agi ni alliance swbawi kwtal alliance bai gwdal nai, abo no tabuk gosi mwng nahar jakha, tini ni bising o no BJP ni naikoljak NDA bai gwdalwi mano Naitish kumar, sarig oh bo BJP nu chubamwng bai teisa hapang swnam nai tei montri okra ungwi swmai bo nahar nai.Record khwlai tongkha bihar ni kwcham montri okra.2013 bisi ni simi 2024 bisi jora kai ba bodol swlai mani nukjakha bono.loksabha chongmari ni swkang Nitesh ni abo hai samwng kebeng nai bodol rok no belai khe no wanamwng o khiklaikha. India alliance o kwchug oh tongmani Nitish kumar,alliance ung mani kok bono puila samani, achugthai no twi bodol ni bising oh no kokbanglai tongkha, ah jora loksabha chongmari ni swkang allince no swlai khibkha Nitish kumar.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
