Haste ni montri okra eba town borduwali kendra ni MLA ungwi,MLA tahabil ni simi 14 lakh rang bai khwlawi Trinayani samajik motha no ambulance bagwi rwkha Dr.Manik saha. ah salni panda o phawi manjak phai kha montri okra eba amchai ni MLA Dr.Manik saha, haste bidhan sabha ni okra naikolnai Kalyani saha roy, agartala pura nigam ni mayor Dipak majumdar, corporator Tushar kani bhattacharjee akosong. ah salni songsai rwmani panda o kok narugna phuru montri okra saklai kha, double engine hapang ni jora oh mwng sa suk kok sakhe no samwng ungwi thang oh,ah hapang ni naikol mwng rok belai khe no kwchug o kasa jak,oh hapang joto tong kosong loku rok ni bagwi no samwng khwlai tongkha. ah salo kok narugna phuru mayor Dipak majumdar saklai kha, kwdukma sal romwi agi reogo communist rok loku rok no kok rwoi phano mwng sa bo kok narug manya, phiya ba tabuk ni haste hapang ah nwi chi ba bisi ni samwng bisi dok oh no khwlawi phun]ugwi rikha, tangwi hwnkhe haste no kwchug o karwna ni abo simi oh hapang no samwng khwlai kha. ah salo bana bai khwlawi ambulnce ni sep rok phiyogwi arwkha haste ni montri okra Dr.Manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
