Hakotor ni logi Tripura haste o bo belai no borom rijagwi palaijakha phil sini chi ba bisi prajatantra sal. Phasalni phungo sak baithangni tongthai nogo national flag tisawi prajatantra sal palaikha haste ni montri okra Dr.Manik Saha. Aboni logi koktwma thumnai rok ni bwskango Tripura haste ni lukorog no khobui hakotor ni joto lukorog no prajatantra salno kitingwi kha-kaham tei hamjakma yapharkha bo. Asalni pandao kok narukna thangwi montri okra sakha, montri bokhorok Narendra Modi ni twidulmung bai hakotor no hamkrai ni bwkhak twlangwi tongo. Indian Constitution no maniwi chwng joto no samung ma khwlainai. Aboni logi hakotor no teibu kwrak khwlaina bagwi joto no thansa wngnani bagwi koikha bo. Montri okra Dr.Manik Saha ni tongthai nog bwskango songchajak pandao manjakha Tripura police tei TSR rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
