Haste ni belai no kung chukjaknai kok. Ri-bwthai swnamao borokni mangpili riwi takna kwrwng rangchak Tripura haa ni khorok sa sajwk Smriti Chakma Padma Shri sokat bai borom rijakha. Rignai oh rong pholwi naithothok mangpili swnamwi tongo bo. Bini oh samungni bagwi 2000 bisi puila national award mankha bo. Abono karwi bo kwbangma sokat mankha bo. Tabok hakotor ni joto ni sai kotor sokat Padma Shri mankha bo. Sangrong salni horo eba prajatantra salni swkang kendra haphang ni bwkhak twi Padma Shri sokat manai rok ni mung sakhwlaijakha. Oh sakhwlaimungo mung kasakha Tripura haa ni sajwk Smriti Chakma ni. Phasalo kaisa koktwma tangbedekni bwkhak twi sak baithangni kok no sakhwlaikha bo. Bo sakha, hakotor ni joto ni sai kotor sokat mannani sep manwi belai no kha-tongthokjakha tei tabok bini oh samung bai gwdaljak rok no phainai salo abohai no sokat manthung hinwi kha-khwlaikha bo. Aboni bagwi jadi kebo chubachu nangkhe, bo jeswk mansak chubachu khwlainai hinwi sakha. Aboni logi bo teibu sakha, oh sokat naharna phuru yak boksa thangwlak hinwi sakha bo. Bini sak baithangbai takjak chadar Delhi oh twlangnai hinwi sakha. Phiyabha abo chadar ya, aro ashok stambha tei montri bokhorok Narendra Modi ni mangpili swnamjakha twlangnai bo. Aboni logi tei kaisa chadar bo swnamwi tongo bo. Aro tongo Bharat ni map, national flag tei Netaji Subhash Chandra Bose ni mangpili swnamjak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
